Ny Birao Foibe Nasionaly FI.SE.MA. dia manao izao FILAZANA izao ho an’ny be sy ny maro, indrindra ny mpikambana, ny mpiasa, ny tompon’andraikitry ny orinasa ary ny vondron’ny mpampiasa tsy an-kanavaka :
Misy mpisandoka, lany henatra, misora-tena amin’ny alalan’ny haino aman-jery ho Sekretera Jeneraly sy tompon’andraikitry ny Foibe Sendikaly FI.SE.M.A
Koa, ampatsiahivina sy amafisina etoana eto indray fa:
- Araka ny voka-pidifianana natao nandritry ny Kongresy faha-10 ny FI.SE.MA. izay natao teto Antana-narivo ny faha-18 sy ny 19 Jona 2019 dia ireto olona voalaza anarana manaraka ireto no miandraikitra ny fitantanana ny Foibe Sendikaly FI.SE.MA. mandritry ny 5 taona:
- JOSE BERTIN RANDRIANASOLO SEKRETERA JENERALY
- JEAN GUALBERT RAVONJISON SEKRETERA JENERALY LEFITRA
- RAMBELO JAONA RAZAFIMBALO SEKRETERA MISAHANA NY VOLA
- HERITIANA RANDRIAMIHAMINA SEKRETERA MISAHANA NY KAONTY
- PIERRETTE MARIE FRANCE RAHARILALAO SEKRETERA MISAHANA NY FANENTANANA
- RAFALIMANANA SEKRETERA MISAHANA NY SERASERA
- JOIADA MANDIMBY ANDRIAMAHAZO SEKRETERA MISAHANA NY FANABEAZANA
- SAOTRA ANDRIAHASINORO JEAN EMILE SEKRETERA MISAHANA NY FIARAHA-MIASA
- TSIRY HARINAJA RAFITOSON SEKRETERA MISAHANA NY LALANA
- Ny taratasy ofisialin’ny FI.SE.MA. dia tsy maintsy misy ny sonia roa: dia ny an’ny Sekretera Jeneraly sy ny an’ny Sekretera Jeneraly Lefitra na ny iray amin’ireo miampy ny an’ny sekretera iray, raha misy antony mety tsy ahafahan’iray amin’izy ireo.
Ny taratasy tsy mahafeno ireo fepetra ireo dia tsy ofisialy, noho izany dia tsy manankery ary tsy mampiditra andraikitra ny Foibe Sendikaly FI.SE.MA..
Natao izao FILAZANA izao ho fisorohana ny fahavoazana sy fisolokiana mbola mety hitranga eny amin’ny orinasa amin’izao fotoana fifidianana Solontenan’ny Mpiasa izao.
Antananarivo, faha-18 FEBROARY 2020
Amin’ny Anaran’ny Birao Foibe
Ny Sekretera Jeneraly Lefitra Ny Sekretera Jeneraly
Jean Gualbert RAVONJISON JOSE B. RANDRIANASOLO